ՎՍՀ-ում ՀՀ դեսպան Վահրամ Կաժոյանի հեռահար ձևաչափով մասնակցությունը «Աջակցություն կանանց թվային փոխակերպման գործում՝ COVID-19 համաճարակի պայմաններում՝ դեպի կայուն զարգացում» խորագրով համաժողովին:

18 հոկտեմբերի, 2021

Ս.թ. հոկտեմբերի 18-ին ՎՍՀ-ում ՀՀ դեսպան Վահրամ Կաժոյանը հեռահար ձևաչափով մասնակցել է «Աջակցություն կանանց թվային փոխակերպման գործում՝ COVID-19 համաճարակի պայմաններում՝ դեպի կայուն զարգացում» խորագրով («Supporting Women in Digital Transformation amid the COVID-19 Pandemic towards Sustainable Development») համաժողովին, որը նվիրված էր Վիետնամի կանանց միության 91-ամյակին (Vietnam's Women's Union): ՎՍՀ-ում ՀՀ դեսպան Վահրամ Կաժոյանը վերոնշյալ համաժողովին մասնակցում էր որպես Վիետնամում դեսպանների և գործակալությունների ղեկավարների գենդերային հարցերի ոչ պաշտոնական խմբի անդամ:

Բացման խոսքով հանդես է եկել Վիետնամի կոմունիստական կուսակցության կենտրոնական կոմիտեի անդամ, Վիետնամի կանանց միության նախագահ տիկին Հա Թի Նգան (Ms. Ha Thi Nga):

Ելույթներով հանդես են եկել նաև Վիետնամի կոմունիստական կուսակցության կենտրոնական կոմիտեի այլընտրանքային անդամ, ՎՍՀ արտաքին գործերի փոխնախարար պարոն Նգույեն Մին Վուն (Mr. Nguyen Minh Vu) և Վիետնամում Հանս Սիդել հիմնադրամի (Hanns Siedel Foundation) ներկայացուցիչ պարոն Միխաել Զիգները (Mr. Michael Siegner):

Համաժողովին մասնակցում էին նաև Վիետնամի Սոցիալիստական Հանրապետությունում հավատարմագրված այլ դիվանագիտական ներկայացուցչությունների և միջազգային կազմակերպությունների ղեկավարներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր